Warner Bros ընկերությունը հաստատել է, որ կնկարահանի Lego կոնստրուկտորի հիման վրա նոր ֆիլմ:
Ինչպես հայտնում է Variety-ն, նախագիծը ծրագրվել էր դեռ 2008 թվականին: 2009 թվականին մամուլում նույնիսկ լուրեր էին տարածվել այն մասին, որ ֆիլմի գլխավոր ոճրագործ հանդես է գալու սուպերսոսինձը: Սակայն մինչև վերջին ժամանակներս ֆիլմի մասին տեղեկություններ չէին հայտնվել:
Ներկայումս հայտնի է դարձել, որ ֆիլմում մարդիկ ապրելու են համակարգչային գրաֆիկաների հետ: Ըստ որոշ տվյալների՝ ֆիլմի նկարահանման համար նախատեսված նյութի 80 տոկոսը նկարվելու է համակարգիչներով: Սրանով զբաղվելու է Animal Logic ավստրալական ստուդիան, որը նախկինում մասնակցել է «Գիշերային պահակազորերի լեգենդներ», «300 սպարտացիներ» և «Ավստրալիա» ֆիլմերի ստեղծմանը:
Warner Bros-ը մտադիր է Lego-ի հիման վրա նկարահանված ֆիլմը վարձույթի հանել 2014 թվականին:
