Ականատեսների վկայությամբ՝ այսօր Երևանում 17:30-ի սահմաններում, «Մարիոթ» հյուրանոցի ֆոյեում Սյունիքի մարզպետ Սուրեն Խաչատրյանը («Լիսկա»), տեսնելով իր փաստաբանին սպասող գործարար Սիլվա Համբարձումյանին, մոտեցել է, ոտքով հարվածել կնոջը, ապա սկսել է հարվածներ ուղղել վերջինիս ուղղությամբ:
Սիլվա Համբարձումյանը փաստի առնչությամբ դիմել է ոստիկանապետին:
Հիշեցնենք, որ անցած շաբաթ Ս. Համբարձումյանը լրագրողների հետ հանդիպմանը հայտարարել էր, որ Լիճվազք-Թեյի իր ոսկու հանքից Սյունիքի մարզպետը գողացել է 102 միլիոն դրամ արժողությամբ սարքավորում, որը ներկայում իբր գտնվում է Խաչատրյանին պատկանող Գեղվա ձոր հանքավայրում։
Բացի այդ` կինը մեղադրանքի խոսքեր էր հնչեցրել նաև Էներգետիկայի նախարար Արմեն Մովսիսյանի հասցեին:
Գործարարի պնդմամբ՝ վերջիններս անօրինական գործողություններով հանքը խլել են իր ձեռքից:
Նշենք, որ իրավապահները ներկայում զբաղվում են գործարարի հայտարարությամբ:
