Կարեն Կարապետյանը ռուսական «Գազպրոմ» ընկերությունում ոչ մի պաշտոնի դեռ չի նշանակվել: Այս մասին «Առաջին լրատվական»-ին հայտնեցին ընկերության տեղեկատվության դեպարտամենտից:
«Դուք ճիշտ չեք տեղեկացված: Նա ավելի շուտ ձեզ մոտ է նշանակված ինչ-որ պաշտոնի, և ոչ թե մեր մոտ»,- հայտարարեց դեպարտամենտի աշխատակցուհին`կրկին շեշտելով. «Չգիտեմ, թե որտեղ, բայց ոչ «Գազպրոմ»-ում: Այդ ամենը նման է պարզապես ասեկոսների»:
Մեր այն դիտարկմանը, որ ռուսական ԶԼՄ-ներում հրաապարակումների մեջ փորձագետները նշել էին, որ Կարեն Կարապետյանը պետք է ղեկավարի նախկին ԽՍՀՄ երկրների հետ «Գազպրոմ»-ի հարաբերությունները, ընկերության ներկայացուցիչը պատասխանեց. «Փորձագետները կարող են շատ բան ենթադրել, բայց մենք դեռ ոչ մի նման տեղեկություն չունենք»:
Հիշեցնենք, որ Երևանի քաղաքապետ Կարեն Կարապետյանը հրաժարական էր ներկայացրել հոկտեմբերի 28-ին՝ «Գազպրոմ»-ում» բարձր պաշտոն ստանձնելու պատճառաբանությամբ: