Ադրբեջանական APA լրատվական գործակալության փոխանցմամբ՝ երկօրյա այցով Ադրբեջան է այցելել Եվրասիայի էներգետիկ հարցերով ԱՄՆ պետդեպարտամենտի հատուկ ներկայացուցիչ Ռիչարդ Մորնինգսթարը։
Այս մասին հայտարարել է Ադրբեջանում ԱՄՆ դեսպանատան մամլո ծառայությունը։ Նշվում է, որ Ադրբեջանում Մորնինգսթարը մի շարք հանդիպումներ է ունենալու պաշտոնատար անձանց հետ։
Հիշեցնենք, որ Մորնիգսթարն այս տարվա հունիսի սկզբին Ադրբեջանում մասնակցել է Կասպյան նավթի ու գազի վերաբերյալ միջազգային կոնֆերանսին։