Շվեյցարական New Open World Corporation (NOWC) ոչ կոմերցիոն կազմակերպությունն ամփոփել է «ԲՆության 7 նոր հրաշալիքները» (New 7 wonders of Nature) համաշխարհային մրցույթի արդյունքները:
Ինչպես հաղորդում է The Huffington Post պարբերականը, ժողովրդական քվեարկությունը, որին կարող էին մասնակցել բոլոր ցանկացողները, ավարտվել է նոյեմբերի 11-ին՝ ժամը 11:11-ին: Կազմակերպիչների փոխանցմամբ՝ մրցույթի նախնական տվյալներով բնության 7 նոր հրաշալիքներ են ճանաչվել
Ամազոն գետը (Հարավային Ամերիկա),
Հալոնգի ծոցը (Վիետնամ),
Իգուասու ջրվեժները (Արգենտինա/Բրազիլիա),
Չեջուդո կղզին (Հարավային Կորեա),
Կոմոդո արգելոցը (Ինդոնեզիա),
Պուերտո Պրինսեսա ստորգետնյա գետը (Ֆիլիպիններ),
Սեղան լեռը (ՀԱՀ)
Հաղթողների անունները դասավորված են այբբենական կարգով: Կազմակերպիչները նշում են, որ սրանք նախնական տվյալներ են և չի բացառվում, որ վերջնական ցուցակում որոշակի փոփոխություններ լինեն: Մրցույթի պաշտոնական արդյունքները հանդիսավոր արարողությամբ կհայտարարվեն 2012թ. սկզբին:
Հավակնորդների նախնական ցուցակում եղել են աշխարհի 220 երկրների 440 տեսարժան վայրեր: 2009 թ. հուլիսի սկզբին կազմվել է 77 թեկնածուների ցուցակը, որից մրցույթի փորձագիտական խորհուրդն ընտրել է 28 վայր, հենց դրանք էլ հանձնվել են համընդհանուր քվեարկությանը:
