Այն, ինչ մատուցվում է կապույտ եթերից՝ պետական գաղափարախոսություն է: Այսօր լրագրողների հետ հանդիպման ժամանակ նշեց գրող, դրամատուրգ Կարինե Խոդիկյանը`հավելելով, որ բոլորը գիտեն, թե ինչ է մատուցվում: Ըստ նրա`այսօր ցանկացած մտածող մարդ տագնապ է ապրում:
«Բոլոր հեռուստասերիալների հերոսները գողերն ու թալանչիներին են: Կա՞ որևէ ֆիլմ կա, որտեղ դատավորը կամ դատախազը պատժում են հանցագործին, իհարկե ոչ: Այս ամենը ամենացայտուն կերպով արտահայտվում է կապույտ եթերից, որտեղ թալանչիներն ու գողերն ասում են, որ իրենք են այս երկրի տերը»,- մեկնաբանեց դրամատուրգը:
Անդրադառնալով նախընտրական գործընթացներին`ասաց, որ դրանք իրեն շրջանցել են: Գրող-դրամատուրգի կարծիքով` գոյություն ունի նախընտրական քարոզարշավի մեկնարկ, իսկ այսօր ՀՀԿ-ն է միայն շտաբ ձևավորել: «Եթե չեմ սխալվում, որևէ կուսակցություն չի ձևավորել շտաբ»,- նշեց Կ. Խոդիկյանը:
Նա նաև խոսեց վերջին շրջանի աղմկահարույց պաշտոնանկություններից՝ ասելով, որ ցանկացած պաշտոնաթողություն ստանում է համապատասխան գնահատական այն դեպքում երբ պարզ է լինում պատճառը: «Իսկ հասարակությունը չգիտի, թե ինչու եղան պաշտոնանկությունները»,- ընդգծեց դրամատուրգ Կարինե Խոդիկյանը`հավելելով, որ հասարակությանը մնում է սպասել հարյուր օր և տեսնել, թե ում շահերի համար տեղի ունեցան պաշտոնաթողությունները:
