Ադրբեջանը պետք է ուրախանա Ստեփանակերտի օդակայանի գործարկմամբ: Չէ՞ որ գալիս է մեծ փոփոխությունների ժամանակը, և դրանում իր լուման պետք է ունենա նաև Ադրբեջանի Հանրապետությունը` թռիչքների անվտանգության ապահովման միջոցով:
Թռիչքների ուղղությունները կարող են տարբեր լինել, չի կարելի բացառել նաև Բաքու թռիչքները: Չէ՞ որ պետք է ինչ-որ բանից սկսել: Առաջին հերթին պետք էր բացել հայ և ադրբեջանցի ժողովուրդների համար հեռուստառադիո տարածությունը` հնարավորություն տալով վերջիններիս ավելի մոտիկից ծանաչել միմյանց: Պետք է հարգել ժողովուրդներին: Դա է Ղարաբաղյան խնդրի լուծման միակ խաղաղ ճանապարհը: Այսպես է կարծում արցախցի գիտնական Գրիգորի Աֆանասյանը:
«Չնայելով կոնֆլիկտի առաջացման պատճառներին, չհասկանալով դրանց բուն էությունը՝ մենք բոլորս կկանգնենք կոտրած տաշտակի առաջ: Այս իսկ պատճառով եմ ես անհրաժեշտ համարում «Ղարաբաղյան շարժում` աշխարհի նոր փոխակերպումների սկիզբը» միջազգային գիտաժողովի անցկացումը», որի ընթացքում հնարավոր կլիներ ներկայացնել հարցի էությունն, ու քննարկել արդի խնդիրների լուծման ճանապարհները»,- նշել է գիտնականը REGNUM գործակալության հետ զրույցում: