Rsobalt.ru-ի փոխանցմամբ՝ Իրանի Ազգային անվտանգության խորհրդի ղեկավարի տեղակալ Հուսեին Իբրահիմին հայտարարել է, որ իրանական միջուկային օբյեկտներին Իսրայելի հարվածելու դեպքում հրեական պետությունը կոչնչացվի ոչ միայն հեռվից եկած պատասխան հարվածով, այլև՝ Իրանի բոլոր դաշնակիցների միաժամանակյա հարձակմամբ.
«Եթե Իսրայելը հարձակման գնա, ապա նրա վրա կթափվի տեղատարափ կրակ։ Այդ պայքարում մենք միայնակ չենք լինի։ Իսրայելը կոչնչացվի Իրանի դաշնակիցների կողմից»։
Հիշեցնենք, որ երեկ Քուվեյթի «Էլ Սիյասահ» թերթը գրել էր, որ Իրանն ու Սիրիան օտար ռազմական միջամտության դեմ համատեղ պայքարի պլան են մշակել՝ բաղկացած 6 ռազմաճակատից։
