Երեկ խորհրդարանում լուրջ աժիոտաժ էր. պատգամավորներից ոմանք փորձում էին իրար մեջ բաժանել ԱԺ այլևս նախկին պատգամավոր, վերջերս ՍԴ անդամ նշանակված Արևիկ Պետրոսյանի աշխատասենյակի գույքը: Պատգամավորներից մեկը փորձում էր հայելին իրենով անել, մեկը` աթոռները, մյուսը` սեղանը: Ընդ որում` Արևիկ Պետրոսյանի գույքի վրա «հարձակվել էին» և կին, և տղամարդ պատգամավորներից ոմանք: Իսկ Արևիկ Պետրոսյանը, որ ԱԺ փոխնախագահ եղած ժամանակ կապիտալ վերանորոգել էր աշխատասենյակը, նոր գույք բերել, հիմա այդ ամենը թողել է ԱԺ-ում: