News Georgia-ի փոխանցմամբ՝ Արևելյան Վրաստանում գտնվող Թելավի շրջանի Գուլգուլի գյուղի բնակիչ Սիմոն Գիգիտելաշվիլին և նրա կինը՝ Մերին, պատրաստել են ռեկորդային երկարությամբ չուրչխելա՝ 3 մետր և 65 սանտիմետր։
Դրա պատրաստումը տևել է մի քանի օր։ Անսովոր չուրչխելան, որի պատրաստման համար Սիմոնն ու նրա կինը օգտագործել են իրենց խաղողի հյութը (ինչպես նաև ընկույզ, նուշ, պնդուկ), Վրաստանի պատրիարք Իլյա 2-րդի օրհնությանն է հանձնվելու նոյեմբերի 23-ին (Սուրբ Գեորգիի օրը)։
Համաշխարհային բարձունքների աջակցության միության ներկայացուցիչը նշել է, որ այս անսովոր չուրչխելան կարող է հայտնվել Գինեսի ռեկորդների գրքում, քանի որ շատ ավելի մեծ է, քան մոտ մեկ տարի առաջ Վրաստանում պատրաստված համանման չուրչխելան, որն ունեցել է 2 մետր և 11 սանտիմետր երկարություն։
Նշվում է, որ սովորաբար չուրչխելան ունենում է 25-35 սանտիմետր երկարություն, այն շատ սիրված է տեղաբնիկների, ինչպես նաև Վրաստան այցելող զբոսաշրջիկների կողմից։