Հաճախ քննարկում և դժգոհություններ ենք հայտնում Արևմտյան Հայաստանում, Նոր Ջուղայում ու Ջավախքում հայկական խաչքարերի և պատմամշակութային հուշարձանների միտումնավոր ոչնչացման վերաբերյալ, սակայն հենց մեր երկրում մարդիկ անխնա վերաբերմունք են ցուցաբերում հայկական արժեքների նկատմամբ՝ գողանում են արձաններ, հողատարածքների շահագործման նպատակով ոչնչացվում են հնագիտական թանգարաններ, գերեզմանատներ, չեն վերանորոգվում մարդկանց կողմից կամ բնական աղետներից վնասված եկեղեցիներն ու վանքերը, երիտասարդների մեջ չի սերմանվում հայկական արժեք համարվող մշակութային կենտրոնների պահպանման քաղաքական նշանակությունը։
Գեղեցիկ բնությամբ և հրաշալի պատմամշակութային հուշարձաններով հարուստ Հայաստանը տուրիզմի սիրահարների համար առայժմ գրավիչ երկրներից չէ։ Համեմատած այլ երկրների, մեր երկիր փոքրաթիվ տուրիստներ են այցելում, և դա դեռ քիչ է՝ մերոնք էլ գերադասում են հանգստանալ արտասահմաններում՝ Քոբուլեթի, Անթալիա, Դուբայ և այլուր՝ այդպիսով լցնելով այլ պետությունների բյուջեները։ Սրա պատճառը Հայաստանում գործող հյուրանոցների համարների և մատուցվող ծառայությունների աստղաբախշական գներն են, նաև տուրիստական գործակալությունների առաջարկած միօրինակ և վաղուց անհետաքրքիր դարձած արշավները։
Այս խնդրին ծանոթ են գրեթե բոլորը։ Հայաստանի կառավարությունը միայն խոսում է բարեփոխումների ու մատուցվող ծառայությունների գները մատչելի դարձնելու մասին, բայց դրանք լոկ խոսքեր են մնում, իսկ տուրիզմի վարչությունը հայտնի չէ, թե ինչով է զբաղվում, բացի երգող թվեր հրապարակելուց։
Տուրիզմի վարչության կողմից իրականացրած միջին վիճակագրության համաձայն՝ 2009 թ. Հայաստան է ժամանել մոտ 200 հազար զբոսաշրջիկ, իսկ Հայաստանից դուրս հանգստանալու մեկնածների թիվը հասնել է 300 հազարի։ Այս անբավարար ցուցանիշը կառավարության վարած քաղաքականության հետևանքն է։
Հայաստանում ներքին տուրիզմի զարգացման համար կառավարությունը պարտավոր է՝ արդյունավետ գովազդել մեր երկիրն աշխարհում,ստեղծել ուսուցողական ձեռնարկներ,ներգրավել ուսումնական հաստատություններին, օժանդակել ներքին տուրիզմով զբաղվող անհատներին։
2010 թվականին Հայաստանում զբոսաշրջության 15% աճ է գրանցվել։
Ըստ զբոսաշրջության և տնտեսական զարգացման վարչության պետ Մեխակ Ապրեսյանի՝ այս տարվա ինն ամիսներին Հայաստան է ժամանել մոտ 487 հազար զբոսաշրջիկ, Հայաստանից դուրս մեկնածների թիվը հասել է 474 հազարի։