Վրացական Media News գործակալության փոխանցմամբ՝ ՆԱՏՕ-ի գլխավոր քարտուղար Անդերս Ֆոգ Ռասմուսենը մեկնաբանել է իր առաջիկա վրացական այցը.
«Մենք մեծ ակնկալիքներ ունենք վրացական այցից։ Վերջին անգամ Վրաստանում ՆԱՏՕ-ի նիստ է տեղի ունեցել երեք տարի առաջ։ Այդ երեք տարիների ընթացքում մենք զգալի առաջընթաց ենք նկատել թե՛ ՆԱՏՕ-Վրաստան հարաբերություններում, թե՛ Վրաստանի պաշտպանական ոլորտում իրականացված բարեփոխումներում։
Բացի այդ, վրացական այցի ժամանակ ես ցանկանում եմ շնորհակալություն հայտնել Վրաստանին՝ Աֆղանստանում տարվող մեր գործողություններում ունեցած ներդրման համար»։
Հիշեցնենք, որ Ռասմուսենի վրացական այցը տեղի է ունենալու նոյեմբերի 9-10-ը։ Վրաստանում Ռասմուսենը հանդիպումներ է ունենալու վարչապետ Նիկա Գիլաուրիի, խորհրդարանի խոսնակ Դավիթ Բաքրաձեի, արտգործնախարար Գրիգոլ Վաշաձեի ու նախագահ Միխեիլ Սաակաշվիլիի հետ։