Լիբիայի ազգային անցումային խոհրդի ղեկավար Աբդուլ Ալ-Ռահիմ Ալ-Քիբը թուրքական «Անադօլու» գործակալությանը տված հարցազրույցի ժամանակ ասել է, որ Լիբիայում գալիք երկու-երեք շաբաթվա ընթացքում կձևավորվի նոր կառավարություն։ Նրա խոսքերով՝ ԱԱԽ հիմնական խնդիրը երկրում անվտանգության ապահովումն է:
Աբդուլ Ալ-Ռահիմ Ալ-Քիբը ընտրվել է քվեարկության արդյունքում, որն ԱԱԽ անդամներն անցկացրել էին լրատվամիջացոների ներկայությամբ: Նա կփոխարինի ժամանակավոր կառավարության վարչապետ Մահմուդ Ջիբրայիլին, որը հրաժարական էր տվել անցած շաբաթ, երբ պաշտոնապես հայտարարվել էր Լիբիայի` Մուամար Քադաֆիի վարչակարգից ազատվելու մասին:
ԱԱԽ, որը Լիբիայի փաստացի ժամանակավոր ներկայացուցիչն էր, ավելի վաղ խոստացել էր, որ հաղթանակից 8 ամիս անց կանցկացվեն Ազգային ասամբլեայի ընտրություններ, որը տարվա ընթացքում կպատրաստի նոր սահմանադրության փաթեթ: Դրանից հետո տեղի կունենան համընդհանուր խորհրդարանական ընտրություններ:
