Սանկտ Պետերբուրգում Անվտանգության դաշնային ծառայության աշխատակցին կասկածում են անցորդի սպանության մեջ:
Ինչպես հոկտեմբերի 31-ին հայտնել է Интерфакс գործակալությունը, նախնական տվյալների համաձայն` հոկտեմբերի 28-ի գիշերը Սրեդնեօխտինսկ պողոտայում Անվտանգության դաշնային ծառայության երկու աշխատակիցներ հարբած վիճակում մոտեցել են և անհանգստացրել անցորդներին: Զվիադ Խաչատրյանը` անցորդներից մեկը, որը ապրում էր տարածքում գտնվող հանրակացարանում, կոշտ պատասխան է տվել: Անվտանգության դաշնային ծառայության աշխատակիցները դաժան ծեծի են ենթարկել տղամարդուն, այնուհետև նրանցից մեկը «Օսա» տրավմատիկ ատրճանակից կրակել է Խաչատրյանի գլխին:
Ոստիկանները երկուսին էլ ձերբակալել են: Խաչատրյանին տեղափոխել են հիվանդանոց, որտեղ նա մահացել է:
Ըստ գործակալության տվյալների՝ վիճաբանությանը մասնակցել է ևս մեկ տղամարդ, որն օգնել է Խաչատրյանին, սակայն նրա մասին տեղեկություններ չկան:
