Այսօր «ՌԻԱ Նովոստի» մուլտիմեդիոն մամուլի կենտրոնում մեկնարկեց «Workshop Facebook-ից» սեմինարը` նվիրված սոցիալական ցանցերում զանգվածային լրատվամիջոցների ինտեգրման հարցերին և այն հնարավորություններին, որ սոցցանցը բացում է մեդիա-ընկերությունների համար:
Սեմինարն անցկացվում է տեսակամրջի միջոցով, որին Հայաստանից մասնակցում են ներկայացուցիչներ և լրագրողներ ԶԼՄ-ներից, իսկ Ռուսաստանից զեկուցողները և նոր մեդիա ոլորտի մասնագետներ:
Սեմինարի զեկուցողներն են Ռուսաստանում Facebook-ի պաշտոնական ներկայացուցիչ Եկատերինա Սկորոբոգատովան և մի շարք երկրներում Facebook-ի միջազգային զարգացման մենեջեր Անժելա Ցեն: Ուսուցողական սեմինարի ընթացքում նախատեսված են տեսակամուրջներ Մոսկվայի, Սանկտ Պետերբուրգի, Կիևի, Աստանայի, Թբիլիսիի, Քիշնևի, Երևանի, Տոմսկի Facebook ներկայացուցիչների հետ:
Բացման խոսքում Անժելան Ցեն նշեց, որ սեմինարի ընթացքում կներկայացնեն, թե ինչպես կարելի է աշխատել Facebook-ի հարթակում փոփոխությունների պայմաններում: Սեմինարի մասնակիցները հնարավորություն ունեն հյուրերի հետ քննարկել սոցիալական ցանցերում զանգվածային լրատվամիջոցների ինտեգրման և Facebook-ի լսարանի հետ աշխատանքի առաջատար գործիքների վերաբերյալ հարցեր: