Աշխարհն այսօր թևակոխել է միջուկային պայքարի մրցավազքի նոր դարաշրջան: Այս մասին ասվում է միջուկային զենքի զարգացման հեռանկարների վերաբերյալ բրիտանական BASIC (British American Security Information Council) հետազոտական խմբի պատրաստած զեկույցում: Զեկույցում նշվում է, որ մի շարք խոշոր պետություններ այսօր զբաղված են գոյություն ունեցող ծրագրերի մոդեռնացման և նոր միջուկային զենքի ստեղծման աշխատանքներով: Առաջիկա 10 տարվա ընթացքում ամբողջ աշխարհում այդ նպատակի համար կծախսվեն հարյուրավոր միլիարդ դոլարներ:
Առաջիկա տասնամյակի ընթացքում միջուկային զենքի մևցավազքում ամենամեծ մրցակիցներ կլինեն ԱՄՆ-ը և Ռուսաստանը, որոնց համատեղ ծախսերը միջուկային զենքի համար կկազմեն առնվազն 770 մլրդ դոլար: Մասնավորապես՝ առաջիկա տասնամյակի ընթացքում միջուկային զենքի վրա ԱՄՆ-ը կծախսի 700 մլրդ դոլար, Ռուսաստանը` 70 մլրդ:
Միջուկային զենքի մրցավազքին կմասնակցեն նաև Չինաստանը, Հնդկաստանը, Ֆրանսիան, Իսրայելը, Պակիստանը և Հյուսիսային Կորեան:
