Չինաստանի իշխանությունները մատնահետքեր կվերցնեն երկրի բոլոր քաղաքացիներից: Ինչպես հաղորդում է РИА Новости-ն, օրենսդիրները հաստատել են Չինաստանի քաղաքացիների անձի հաստատման օրենքում փոփոխություններ կատարելու օրինագիծը, ըստ որի անձնագիր ստանալու կամ այն փոխելու դեպքում բոլոր քաղաքացիներից մատնահետքեր կվերցվեն: Չինական ԶԼՄ-ները գրում են, որ նոր փոփոխություններն ուժի մեջ կմտնեն 2013թ. հունվարի 1-ից, իսկ մեկ տարվա ընթացքում կփոխվեն բոլորի անձնագրերը:
Չինաստանի իշխանությունները կարծում են, որ մատնահետքերը հնարավորություն կտան ավելի հեշտությամբ պարզել անձի ինքնությունը, ինչպես նաև կհեշտացնեն պայքարը հանցավորության դեմ՝ պետական անվտանգության և հասարակական կարգի պահպանման համար:
