Մեծ Բրիտանիայում տեղի ունեցած աճուրդի ժամանակ Սադամ Հուսեյնի բրոնզե արձանի հետույքի հատվածը մնացել է առանց գնորդի:
Ինչպես հայտնում է The Press Association-ը, արձանի այդ մասի տերը բրիտանական օդային հատուկ ծառայությունների նախկին զինվորական Նեյջալ Էլին է, որը հույս ուներ բրոնզե հետույքի համար ստանալ 250 հազար ֆունտ սթերլինգ, սակայն առաջարկել են միայն 21 հազար։
Աճուրդի տան ներկայացուցիչ Չարլզ Հենսոնը հայտնել է, որ աճուրդի արդյունքներից դժգոհ է, քանի որ իր կարծիքով՝ Հուսեյնի բրոնզե հետույքն ավելի շատ հետաքրքրություն պիտի առաջացներ:
Նեյջալ Էլին մտադրվել էր ստացված հասույթն ուղարկել բարեգործական հիմնադրամ, որը օգնություն է ցուցաբերում բրիտանական և ամերիկյան զինված գործողությունների ժամանակ վիրավորված զինվորներին:
Նշենք, որ Էլին 2003 թ. Իրաքում լրագրող է եղել և լուսաբանել է Բաղդադում տեղի ունեցող իրադարձությունները:
Նրա խոսքերով՝ ինքն ԱՄՆ ծովայիններին խնդրել է, որպեսզի Հուսեյնի արձանի հետույքն իրեն տան: Երբ վերադարձել է Մեծ Բրիտանիա, օդանավակայանում ստիպված է եղել մուծել մի քանի հարյուր ֆունտ՝ «մաքսազերծման» համար:
