Թուրքական Hürriyet թերթի փոխանցմամբ՝ ԱՄՆ նախագահ Բարաք Օբաման որոշել է Թուրքիային տրամադրել AH-1Z Süper Kobra («Սուպեր Կոբրա») տիպի 3 ուղղաթիռներ և այդ առաջարկով դիմելու է Կոնգրեսին։
Այդ ուղղաթիռները պատկանում են ամերիկյան ծովային հետևակին և ծառայելու են Թուրքիայում ահաբեկչական հռչակված ու արգելված Քրդստանի աշխատավորական կուսակցության (PKK) դեմ պայքարին։
Հիշեցնենք, որ ավելի վաղ ամերիկյան կողմը համաձայնել էր, որ Իրաքից ամերիկյան զորքերի դուրս բերումից հետո ամերիկյան Predator («Գիշատիչ») տիպի անօդաչու հետախուզական սարքերը տեղակայվեն Թուրքիայի հարավ-արևելքում ընկած Ինջիրլիքի ավիաբազայում և օգտագործվեն PKK-ի դեմ։
