Ամերիկացի գիտնականները պարզել են, որ ալկոհոլ օգտագործող կանայք ավելի երկար են ապրում և սրտի նոպայի քիչ հավանականություն ունեն:
Ինչպես հայտնում է Reuters գործակալությունը, գիտնականները հարցում են կատարել 1200 կանանց շրջանում, ովքեր հոսպիտալացվել էին սրտի նոպա ախտանիշով: Նրանք պարզել են, թե այդ կանայք ինչպիսի կյանք են վարում և ինչ հաճախականությամբ են ալկոհոլ օգտագործում:
Հարցումներին մասնակցած կանանց 44%-ը ալկոհոլ չի օգտագործել, 25%-ը՝ ամիսը մեկ անգամ, իսկ 18%-ը՝ շատ հաճախ: Հետազոտողներն եկել են այն եզրակացության, որ ալկոհոլը իջեցնում է սրտի նոպայից մահացության ռիսկը 35 %-ով` օգնելով օրգանիզմին լավ տանել նոպան և լավացնել սրտի աշխատանքը:
Մահացության ռիսկը կրճատվում է անկախ այն բանից՝ կինը գինի՞ է օգտագործում, գարեջո՞ւր, թե՞ լիկյոր:
