Ամորձատումը չի վերացնում սեռական հակումը: Եթե մարդում մոտ կա սեռական հակում երեխաների կամ տարեցների նկատմամբ, ապա այն չի վերանա ամորձատմամբ: Այսօր լրագրողների հետ հանդիպման ժամանակ նման մասնագիտական կարծիք հայտնեց սեքսապաթոլոգ Վրեժ Շահրամանյանը` խոսելով ամորձատելու մասին՝ որպես սեռական բռնության պատժի: Մասնագետը բացատրեց, որ խոսքը քիմիական ամլացման մասին է , որը չի վերացնում մարդու սեռական հակումը:
«Սեռական հակումը սկզբնական շրջանում շատ խորը կճնշվի, բայց հետո էլի գլուխ կբարձրացնի: Սեռական հակումներ ունեցող անձինք պետք է բուժվեն հոգեթերապիայով, պետք է փորձել հոգեթերապևտիկ ձևով բուժել նրանց: Սեռական հակումը տարեցների և մանուկների հանդեպ կատարվում է երկուստեք համաձայնությամբ, դրանք բռնի չեն, հիմնականւմ այս դեպքում մարդիկ համոզում են երեխաներին»,-մեկնաբանեց Վրեժ Շահրամանյանը` հավելելով, որ մինչ ամորձատելու պատժի կիրառումը պետք է լինեն մասնագետներ, ուսումնասիրեն գործը և տան համապատասխան մասնագիտական եզրակացություն:
Համատեղ ասուլիսի ընթացքում հոգեբանական գիտությունների դոկտոր Սամվել Խուդոյանը նույնպես դեմ է ամլացմանը: «Հարբած վիճակում մարդը հնարավոր է՝ կատարի հիմարություն, բայց եթե դա սերիական բնույթ է կրում, հնարավոր է կիրառել ամլացումը»,- նշեց հոգեբանը` հավելելով, որ ամլացումը շատ դաժան պատիժ է:
