«Բաղդադի հյուսիսարևելյան հատվածում երկու պայթյուն է եղել»,– հայտնում է РИА Новости-ն: Պայթյունի հետևանքով մահացել է 18 մարդ, 37-ը վիրավորվել են: Այս մասին հաղորդում է երկրի մայրաքաղաքային ոստիկանությունը:
Առաջին պայթյունը տեղի է ունեցել անմիջապես պարեկային ոստիկանության հարևանությամբ: Երկրորդ պայթյունը տեղի է ունեցել, երբ դեպքի վայր է ժամանել շտապ օգնությունը:
Իրաքում ահաբեկչական ակտեր տեղի են ունենում գրեթե ամեն օր: Ըստ իրաքյան ԶԼՄ-ների՝ «ահաբեկչական և այլ բնույթի բռնությունների» հետևանքով սեպտեմբեր ամսին երկրում զոհվել է 185 մարդ, 110-ը քաղաքացիներ են, 42-ը՝ ոստիկաններ և 33-ը՝ զինվորականներ:
