ԱՄՆ-ը մտադիր է Իրանում հիմնել «վիրտուալ դեսպանատուն»,- հայտնում է Reuters գործակալությունը` հղում անելով Հիլարի Քլինթոնի` BBC и Voice of America իրանական ծառայությանը տված հարցազրույցին: Հատուկ կայքի օգնությամբ, որը մտադիր են բացել այս տարվա վերջին, Իրանի քաղաքացիները հնարավորությունը կունենան ստանալ տեղեկատվություն վիզաների և ԱՄՆ ուսումնական ծրագրերի վերաբերյալ:
«Մենք ուզում են հարաբերությունները բարելավել առաջին հերթին Իրանի ժողովրդի հետ, մենք փորձել ենք դիմել Իրանի կառավարությանը, սակայն հաջողության չենք հասել»,- պետքարտուղարի խոսքն է մեջբերել Associated Press գործակալությունը:
Քլինթոնը նաև հայտարարել է, թե ԱՄՆ-ը հոգ կտանի, որ հասարակ իրանցին մուտք ունենա դեպի այդ տեղեկատվությունը` չնայած կառավարության` համացանցից օգտվելու արգելքին: Նրա խոսքերով, ԱՄՆ կապահովի դրա համար բոլոր անհրաժեշտ տեխնոլոգիաները և իրանցիներին կսովորցնի դրանցից օգտվել:
Պետքարտուղարը հայտարարել է, թե հնարավոր է՝ միջուկային ծրագրի և ահաբեկիչների հետ ենթադրյալ կապերի պատճառով նոր սանկցիաներ կիրառվեն Իրանի դեմ:
Իրանի և ԱՄՆ-ի միջև պաշտոնական դիվանագիտական հարաբերություններ չկան 1979 թվականից, երբ Իսլամական հեղափոխության ընթացքում Թեհրանում գերի էր վերցվել Ամերիկայի դեսպանատունը և 52 ամերիկացիներ 444 օր պատանդ էին պահվել:
