Forbes ամսագիրը կազմել է ամենահարուստ հայտնի հանգուցյալների ցուցակը: Այն երկրորդ տարին անընդմեջ գլխավորում է Մայքլ Ջեքսոնը, որի տարեկան եկամուտը (2010 թ. հոկտեմբերից) մահից հետո կազմել է 170 մլն դոլար: 2010 թ. փոփ-երաժշտության արքայի սկավառակներից և «This is it» վավերագրական ֆիլմից ստացված եկամուտը կազմել է 275 մլն դոլար:
2011 թ. աղյուսակում երկրորդ տեղը զբաղեցնում է ռոք-ն-ռոլլի արքա Էլվիս Փրեսլին: Երգչի ձայնագրությունների և նրա մասնակցությամբ այլ նյոթերի իրացումը նրա ժառանգներին բերել է 55 մլն դոլար եկամուտ:
Ցուցակում Էլվիս Փրեսլիին հաջորդում է Մերիլին Մոնրոն, որն «աշխատել է» 27 մլն դոլար:
Ամենահարուստ հանգուցյալների ցուցակում տեղ են գտել նաև The Beatles խմբի անդամներ Ջոն Լենոնը (5-րդ հորիզոնական՝ 12 մլն դոլարով) և Ջորջ Հարիսոնը (13-րդ հորիզոնական՝ 6 մլն դոլարով):
Վարկանիշային աղյուսակում «նորեկ» է 2011 թ. վախճանված Էլիզաբեթ Թեյլորը, որը Լենոնի հետ կիսում է 5-րդ հորիզոնականը (12 մլն դոլար):
Ամենահարուստ հանգուցյալների ցուցակը Forbes-ը կազմում է ամեն տարի՝ Հելլոուինից առաջ: