Սըր Փոլ Մաքարթնին կազմել է բուսակերների համար կերակրատեսակների ժողովածու: Ինչպես հայտնում է բրիտանական The Daily Telegraph պարբերականը, ժողովածուի ստեղծման աշխատանքներում Մաքարթնիին օգնել են նրա ընկերները` դերասան Քևին Սփեյսին, դերասանուհի Գվինեթ Փելթրոուն և նախկին մանեկենուհի Թվիգին:
Խոհարարական գրքի վերնագիրն է «The Meat Free Monday» («Երկուշաբթին առանց մսի»)։ Այն դարձել է. Մաքարթնիի և նրա ընտանիքի անդամների կողմից 2009 թ. սկսված համանուն ակցիայի մի մասը: Ակցիայի նպատակն է մարդկանց համոզել՝ շաբաթական գոնե մեկ անգամ հրաժարվել մսից: Նախկին բիթլի կարծիքով՝ դա կնպաստի մթնոլորտ արտանետվող ջերմոցային գազերի նվազմանը: Մսից հրաժարվելը կօգնի նաև գումար խնայել, ինչը ոչ պակաս կարևոր է ներկա ճգնաժամային իրավիճակում:
«The Meat Free Monday» գիրքը հրատարակել է Kyle Books հրատարակչությունը, որը մասանգիտացած է առողջ կենսակերպի և խոհարարության մասին գրքերի մեջ: Գիրքն արդեն հայտնվել է Մեծ Բրիտանիայի գրախանութներում: Սպասվում է, որ մինչև տարվա վերջն այն վաճառքի կհանվի նաև Ֆրանսիայում, Նիդեռլանդներում, Գերմանիայում, Ֆինլանդիայում, Ավստրալիայում, իսկ հաջորդ տարի` ԱՄՆ-ում:
Փոլ Մաքարրթնին 1970-ական թթ-ից բուսակեր է և բազմիցս խորհուրդ է տվել իր երկրպագուներին հետևել իր օրինակին:
