Տների ներքնահարկերի մաքրման աշխատանքներից հետո լվովցի հնագետները հայտնաբերել են Ավստրոհունգարական կայսրության ժամանակվա` 95 դրամներից բաղկացած իսկական պահոց:
Այս մասին հայտնել են Ուկրաինայի ԳԱԱ հնագիտության ինստիտուտի հնագիտական փրկարար ծառայության գիտահետազոտական կենտրոնից:
Հնագետները պեղել են Հայկական և Կրակովյան շենքերի հատման կետում տեղակայված քարե տան հիմքերը: Խոսքը Հայկական 10 կամ Կրակովյան 12 տան մասին է, որի մասին առաջին հիշատակումները թվագրվում են 16-րդ դարին:
«Գանձը հայտնաբերել ենք 19-րդ դարի շերտում: Այն փաթաթված է եղել կտորով: Պեղածոն թվագրվում է 1892-1912 թթ.: Դրանց թվում են 9 արծաթե դրամներ` 1-ական կրոն արժողությամբ, 3 բրոնզե, մնացածը` նիկելե: Գտածոն հետաքրքիր է նրանով, որ այն թաղել են Առաջին համաշխարհային պատերազմից առաջ: Հնարավոր է՝ դա այն բանի վկայությունն է, որ մարդիկ իրենց այնքան էլ վստահ չեն զգացել ու թաղել են իրենց խնայողությունները»,- հայտարարել է պեղումների ղեկավար Նազար Վոյտովիչը:
