Բրյուսելում կայացած՝ ԵՄ-Հայաստան խորհրդարանական համագործակցության հանձնաժողովի հայկական պատվիրակության ղեկավար Նաիրա Զոհրաբյանն այսօրվա ասուլիսում անդրադարձավ այնտեղ ընդունված հայտարարությանը և դա գնահատեց հավասարակշռված ու համակողմանի: Նաիրա Զոհրաբյանը կարևորում է այն փաստը, որ ընդգծված է ԼՂ հակամարտությունը բացառապես խաղաղ ճանապարհով լուծելու կարևորությունը: Ավելին, ըստ տիկին Զոհրաբյանի, հայտարարության մեջ ամրագրված է, որ «հակամարտության բոլոր կողմերը պետք է ներգրավված լինեն բանակցային գործընթացում»: Զոհրաբյանը կարևորեց նաև հայ-թուրքական հարաբերությունների մասին հայտարարության հատվածը, համաձայն որի` «հորդորում են Թուրքիային, ԵԽ կողմից ընդունված բանաձևերի համաձայն, առանց նախապայմանների անհրաժեշտ քայլեր ձեռնարկել, դիվանագիտական և բարիդրացիական հարաբերություններ հաստատել ՀՀ-ի հետ և հնարավորինս շուտ բացել փակ սահմանը»:
Լուսանկարը` PanarmenianPhoto-ի