Հարավ-արևմուտքից Հայաստանին է մոտենում բավականին հզոր ցիկլոնային դաշտ, որի ազդեցությունը կզգացվի վաղը` հոկտեմբերի 25-ին, օրվա երկրորդ կեսին հանրապետության ողջ տարածքում սպասվող տեղումների տեսքով: «Առաջին լրատվական»-ի հետ զրույցում այս մասին ասաց «Հայպետհիդրոմետ» հիդրոօդերևութաբանության կենտրոնի օդերևութաբանական կանխատեսումների բաժնի պետ Գագիկ Սուրենյանը:
«Հանրապետությունը հզոր ցիկլոնի ազդեցության գոտում կգտնվի մինչև հոկտեմբերի 29-ը, այսինքն` սպասվում է, որ մինչև այդ օրը Հայաստանում ժամանակ առ ժամանակ սպասվում են տեղումներ: Արկտիկական օդի բուռն ներհոսք է սպասվում արդեն վաղը` երկոյան ժամերից: Հոկտեմբերի 26-28-ն ընկած ժամանակահատվածում հանրապետության ողջ տարածքում ջերմաստիճանը կնվազի 8-10 աստիճանով, իսկ Լոռիում, Սյունիքում և Տավուշում` մինչև 12-14 աստիճանով:
Հոկտեմբերի 26-ին լեռնային շրջաններում, իսկ 27-ին` Լոռիում, Սյունիքում և Տավուշում` նախալեռնային շրջաններում, բավական ինտենսիվ տեղումներ կդիտվեն ձյան և ձնախառն անձրևի տեսքով»,- ասաց Սուրենյանը:
Երևանում, նրա խոսքով, վաղը օրվա երկրորդ կեսից սպասվում է անձրև: «Ջերմաստիճանը կնվազի, հոկտեմբերի 28-ին առավելագույն ջերմաստիճանը չի գերազանցի 9-10 աստիճանը»,- ամփոփեց նա:
