«Ալժիրում զինյալներն առևանգել են երեք եվրոպացու, ովքեր հումանիտար օգնություն էին ցուցաբերում փախստականների ճամբարում»,- հայտնում է BBC-ն:
Երկուսն իսպանացի են, մեկը`Իտալիայի քաղաքացի: Նրանցից մեկը վիրավորվել է հարձակման ժամանակ, տուժել է նաև ճամբարի պահակը: Իսպանիայի և Իտալիայի արտաքին գործերի նախարարությունները հաստատել են իրենց քաղաքացիների առևանգման լուրը:
Ինչպես հաղորդում է Associated Press գործակալությունը` առևանգողները կապ ունեն «Ալ-Կաիդա» ահաբեկչական խմբավորման հետ, սակայն ոչ ոք դեռ իր վրա պատասխանատվությունը չի վերցրել:
Տեղի իշխանություններն առևանգվածներին գտնելու համար միջոցներ են ձեռնարկում:
Ավելի վաղ նմանատիպ դեպք էր գրանցվել Քենիայում. առևանգվել էին իսպանացի մի բժիշկ, ով հումանիտար օգնություն էր ցուցաբերում, հետագայում՝ նաև բրիտանացի և ֆրանսիացի զբոսաշրջիկներ:
