Ադրբեջանական APA լրատվական գործակալության փոխանցմամբ՝ վաղը ԵԱՀԿ-ն հերթական պլանաչափային դիտարկումն է իրականացնելու հայ-ադրբեջանական շփման գծի Տերտերի հատվածում։ Այս մասին հայտարարել է ԱՀ պաշտպանության նախարարության մամլո ծառայությունը։
Ադրբեջանական կողմից դիտարկումն իրականացնելու են ԵԱՀԿ գրասենյակի համակարգող Իմրե Պալատինուսը և ԵԱՀԿ գործող նախագահի անձնական ներկայացուցչի դաշտային օգնական Խրիստո Խրիստովը։
Հայկական կողմից դա իրականացնելու են ԵԱՀԿ գործող նախագահի անձնական ներկայացուցիչ Անջեյ Կասպրշիկը և նրա դաշտային օգնականներ Անթալ Խերդիչը և Մարիուս Պուոձիունասը։
Դիտարկման ժամանակ ԵԱՀԿ Մինսկի խմբի համանախագահները և ԵԱՀԿ գործող նախագահի անձնական ներկայացուցիչը հայկական կողմից անցնելու են ադրբեջանական կողմ։
Հիշեցնենք, որ ավելի վաղ ՀՀ ԱԳՆ մամուլի քարտուղար Տիգրան Բալայանը հայտնել էր, որ ԵԱՀԿ Մինսկի խմբի համանախագահներ Բեռնար Ֆասիեն (Ֆրանսիա), Ռոբերտ Բրադտկեն (ԱՄՆ) և Իգոր Պոպովը (Ռուսաստան) հոկտեմբերի 21-22-ը կլինեն Երևանում։
