Թուրքական Zaman թերթի փոխանցմամբ՝ վաղը վեցօրյա այցով Թուրքիա կժամանի ԱՄՆ Արևելյան թեմի 25 հոգանոց պատվիրակությունը։ Այս մասին հայտարարել է եպիսկոպոսական խորհրդի նախագահ Օսկար Թաթոսյանը։
Վերջինիս խոսքերով՝ պատվիրակության կազմում ընդգրկված են նաև ԱՄՆ Արևելյան թեմի առաջնորդ Խաժակ արքեպիսկոպոս Պարսամյանը, Վիգեն արքեպիսկոպոս Այքազյանը և այլք։ Պատվիրակության անդամների մի մասի համար դա լինելու է առաջին թուրքական այցը։
Պատվիրակությունն այցելելու է Ստամբուլ, Դիարբեքիր, Վան։ Հոկտեմբերի 22-ին նրանք մասնակցելու են Դիարբեքիրի Սուրբ Կիրակոս եկեղեցու բացմանը։ Բացի այդ, պլանավորված է, որ նրանք աղոթելու են Աղթամարի Սուրբ Խաչ եկեղեցում։
Թաթոսյանն ընդգծել է, որ պատվիրակության կազմում ներառվածների մեծ մասը ծնվել է ԱՄՆ-ում, և որ իրենք կարևորում են Թուրքիայի ու Հայաստանի մերձեցումը, առևտրական կապերի ընդլայնումը։
