Թուրքիայի և Իրաքի սահմանին քուրդ զինյալների դեմ իրականացված օպերացիայի արդյունքում սպանվել են ավելի քան 15 զինյալներ: Այս մասին հայտնում է «Ազատություն» ռադիոկայանի ադրբեջանական ծառայությունը:
Հատուկ ծառայությունների հրետանու և ավիացիոն գումարտակի օգնությամբ թուրքական բանակը մտել է հարևան Իրաքի տարածք և 3-4 կմ առաջ շարժվել:
Թուրքիայի վարչապետ Ռեջեփ Թայիփ Էրդողանի խոսքերով` օպերացիան տեղի է ունենում միջազգային իրավունքի նորմերին համապատասխան: Ավելի վաղ իրաքյան իշխանություններն ընդունել էին այն փաստը, որ չեն կարող ինքնուրույն պայքարել «Քրդստանի աշխտավորական կուսակցության» զինյալների դեմ: Վերջիններիս հենակետերը գտնվում են երկրի հյուսիսային շրջաններում:
