2011 թ. ԱՄՆ-ից վտարվել են ռեկորդային թվով` շուրջ 400 հազար անօրինական ներգաղթյալներ: Այս մասին, ինչպես հաղորդում է Reuters գործակալությունը, հայտնել են ԱՄՆ իմիգրացիոն-մաքսային հետաքննությունների ծառայությունից: Վերջինիս տվյալներով` սեպտեմբերի 30-ին ավարտված նախորդ ֆինանսական տարում երկրից վտարվել է 396,906 անօրինական ներգաղթյալ: 2010 թ. ֆինանսական տարում վտարվածների թիվը 393 հազար էր:
Անօրինական ներգաղթյալների հարցը ԱՄՆ-ում ամենասուր խնդիրներից մեկն է: