Վենեսուելական «Մինիմա» քրեակատարողական հիմնարկի աշխատակիցները որպես պատանդ հայտնվել են նույն բանտում գտնվող կալանավորների ձեռքում: Այս մասին հաղորդում է France Presse գործակալությունը: Միջադեպը տեղի է ունեվել ուրբաթ օրը, սակայն դրա մասին հայտնի է դարձել միայն այսօր:
Հայտնի է, որ բանտարկյալները, որոնք այստեղ էին տեղափոխվել մի քանի շաբաթ առաջ այլ քրեակատարողական հիմնարկներից, պահանջում են, որպեսզի իրենց վերադարձնեն նախկին կալանավայրեր: Վենեսուելայի իշխանություններն արդեն բանակցում են բանտարկյալների հետ, համաձայնեցվել է նրանցից մի քանիսի վերադարձն իրենց կալանավայրեր, սակայն պատանդներն ազատ չեն արձակվել, քանի որ պահանջում են, որպեսզի մյուսների խնդիրները նույնպես լուծումներ ստանան:
Ապստամբությունները վենեսուելական բանտերում հազվադեպ երևույթ չեն, քանի այստեղ դրանք գերծանրաբեռնված են, միևնույն խցում երկու անգամ ավելի բանտարկյալ է պահվում, քան սահմանված է նորմերով:
