Հայաստանի գովազդային շուկայի ներկայիս վիճակին ու «Պոպոք» գովազդի միջազգային փառատոնի խնդիրներին այսօր լրագրողների հետ հանդիպման ժամանակ անդրադարձան Հայաստանի գովազդային խորհրդի նախագահ Արզուման Հարությունյանը և «Պոպոք» փառատոնի տնօրեն Րաֆֆի Նիզիբլյանը:
Հայաստանի գովազդային խորհուրդը ոչ ֆորմալ գործում է մի քանի տարի, սակայն իրավական կարգավիճակ է ստացել միայն այս տարի: Միության ստեղծման նպատակը, ըստ Արզումանյանի, այն է, որ շուկան սկսի ինքնակարգավորվել:
«Հայաստանի գովազդային շուկան կա, սակայն կան թերություններ»,- ասաց նա`ընդգծելով, որ գովազդի շուկայի առջև ծառացած հիմնական խնդիրներն օրենսդրական են:
Նրա խոսքով`Հայաստանի գովազգային խորհուրդը ունի տասը անդամներ, որի կազմում են մի շարք կշիռ ունեցող կազմակերպություններ: «Ամենավերջին նվաճումը սոցիալական գովազդի խնդիրն էր, որը այսօր գտնվում է չկարգավորված վիճակում»,- հայտնեց նա` նշելով, որ ցանկացած գովազդի խախտման իրենք պատրատ են արձագանքել:
Խորհուրդը զբաղվում է ընդհանուր շուկայի զարգացման խնդիրներով, քանի որ գովազդի դաշտը, նրա խոսքով, «այսօր շատ պղտոր է: Խորհրդի նախագահը հայտարարեց 2011 թ. վարկանշային ուսումնասիրության ու ձևավորման սկիզբը: Դա նրա խոսքով, հնարավորություն կտա ներդրողներին կողմնորոշվել իրենց ընտրության հարցում: Հաղթողներին կտրվեն սիմվոլիկ մրցանակներ:
«Ցանկանում ենք, որ ներքին բոլոր կազմակերպությունները շփվեն ու ծանոթանան «Պոպոք» փառատոնի հետ: Հայաստանում գործող բոլոր կազմակերպությունները շատ պասիվ են»,- ասաց նա` կոչ անելով մասնակցել գովազդի միջազգային փառատոնին, ներկայացնել իրենց արտադրանքն ու շփվել դրսի ներկայացուցիչների հետ:
Ր. Նիզիբլյանն էլ իր հերթին կարևորեց վարկանշային աղյուսակի ստեղծումը` գովազդային դաշտի աշխուժացման ու «Պոպոք» փառատոնի հետագա զարգացման համար:
Հայաստանի գավազդային խորհուրդը, հանդիսանալով գովազդի հայաստանյան շուկայի ինքնակարգավորվող միություն, իր գործունեությունը նպատակաուղղում է տեղական շուկայի ուսումնասիրությանը ու զարգացմանը, հանդես է գալիս նաև օրենսդրական բարեփոխումների ծրագրով:
