Ներկայումս Եվրամիությունում նախագահող Լեհաստանի և Վարշավայում տեղակայված Լրագրողների հիմնադրամը մրցույթ են հայտարարել, որը կորոշի «Արևելյան գործընկերության» լավագույն լրագրողին: Դրան մասնակցելու համար Հայաստանի, Բելառուսի, Ադրբեջանի, Վրաստանի, Ուկրաինայի և Մոլդովայի լրագրողները կարող են համապատասխան դիմում ներկայացնել www.enpi-info.eu/indexeast.php?lang_id=471 կայքում:
Մրցույթին ներկայացված թեմաները պետք է ընդգրկեն այնպիսի ոլորտներ, ինչպիսիք են մարդու իրավունքները և խտրականության դեմ պայքարը, ժողովրդավարությունն ու քաղաքացիական հասարակությունը, Եմ հետ հարաբերությունները: Լավագույնը համարված լրագրողը կստանա 2,4 հազար եվրո պարգևատրություն, իսկ մրցանակակիրները` 1,2 հազարական եվրո:
Նյութերը պետք է տպագրված լինեն այդ երկրի առաջատար լրատվամիջոցներից մեկում (տպագիր կամ էլեկտրոնային մամուլում) այս տարվա հունվարի 1-ից հետո: Մրցանակակիրների որոշման հանդիսավոր արարողությունը տեղի է ունենալու այս տարվա նոյեմբերի 24-25-ը Լեհաստանում: Այս մասին հաղորդում է ITAR-TASS գործակալությունը:
