Անգլիայի Քենթ դքսությունում տնային տնտեսուհիները հիմնել են մարինացված սոխի որդեգրման գործակալություն: Տարօրինակ գործակալություն բացելու գաղափարն առաջացել է Դայյան Քոնորի և նրա 3 ընկերուհիների մոտ:
Քոնորը պատմում է, որ մի անգամ, երբ իրենք գարեջրատանը նստած քննարկելիս են եղել, թե ինչ տարօրինակ իրեր կարելի է «որդեգրել» բարեգործական նպատակներով և հնչել է սոխ որդեգրելու տարբերակը, հանկարծ մեկը բղավեց` դե դուք կարող եք որդեգրել մարինացված սոխ: Ավելի ուշ Քոնորը որոշել է կյանքի կոչել այդ գաղափարը: Որոշ ժամանակ անց կանանց հաջողվել է որոշակի կապիտալ հավաքել և բացել սոխի գործակալություն:
Ընկերությունը, որն իր հաճախորդներին կոչ է անում պահպանել մարինացված սոխերի «կյանքը», գործում է համացանցում` adoptapickledonion.com հասցեով: Կայքում նշվում է, որ ցանկացողները կարող են օգնել փոքրիկ սոխուկներին նոր, երջանիկ կյանք սկսել:
Կայքն իր հաճախորդներին հնարավորություն է տալիս ընտրել սոխերից մեկը և որդեգրել, որից հետո գնման էջում պետք է լրացնել համապատասխան ձևաթուղթը: Սոխը կարելի փրկել հատուկ առիթի դեպքում. Օրինակ՝ ընկերոջ ծննդյան, նշանադրության կամ հարսանիքի օրը:
Պատվերի դեպքում սոխի «փրկիչը» ստանում է որդեգրման թուղթ` երջանիկ սոխի նկարով, որն ավելի լավ տեսք ունի, քան տարայի մեջ մարինացված սոխերը, ինչպես նաև սոխի նկարով շնորհավորական բացիկ: Սոխի որդեգրման համար կպահանջվի մոտ 8 եվրո:
