Թրամփը պատրաստում է նոր մաքսատուրքեր տասնյակ երկրների դեմ

Financial Times-ի փոխանցմամբ՝ ԱՄՆ նախագահ Դոնալդ Թրամփը պատրաստվում է արդեն այս շաբաթ նոր մաքսատուրքեր սահմանել տասնյակ երկրների նկատմամբ։

Այս քայլն արվում է ուրբաթ օրը՝ 10%-անոց ժամանակավոր համաշխարհային մաքսատուրքի ժամկետի ավարտին ընդառաջ։

Ակնկալվում է, որ նոր մաքսատուրքերի մեծ մասը կպահպանվի շուրջ 10%-ի սահմաններում, սակայն վարչակազմը նաև հետաքննություններ է անցկացնում, որոնք ապագայում կարող են իրավական հիմքեր ապահովել ավելի բարձր տուրքեր սահմանելու համար։