ԱՄՆ նախագահ Դոնալդ Թրամփը հայտարարել է, որ ԱՄՆ-ն առայժմ շահագրգռված չէ Իրանի հետ բանակցություններով, թեև, նրա խոսքով, Թեհրանը հուսահատորեն հանդիպում է փնտրում։
Լիբանանի նախագահ Ժոզեֆ Աունի հետ Սպիտակ տանը կայացած հանդիպման ընթացքում ԱՄՆ նախագահ Դոնալդ Թրամփը նշել է, որ Վաշինգտոնը չի պատրաստվում հանդիպել Իրանի ներկայացուցիչների հետ, քանի դեռ Թեհրանը պատրաստ չէ նման բանակցությունների։
Թրամփը նաև հայտարարել է, որ Միացյալ Նահանգները մոտ ապագայում չի պատրաստվում դադարեցնել Իրանի հետ հակամարտությունը և կշարունակի հարվածներ հասցնել Իրանի տարածքում գտնվող օբյեկտներին, այդ թվում՝ միջուկային ենթակառուցվածքներին։
ԱՄՆ նախագահը հավելել է, որ անհրաժեշտության դեպքում պատրաստ է ուղիղ բանակցություններ վարել նաև «Հըզբոլլահի» հետ։
Նրա խոսքով՝ Իսրայելը Լիբանանից զորքեր է տեղափոխում այլ ուղղություններ։ Թրամփը նաև նշել է, որ եթե հութիները փորձեն շրջափակել Կարմիր ծովը, Միացյալ Նահանգները կկարողանա կարգավորել այդ իրավիճակը։
