Իրանի արտգործնախարար Ալի Աքբար Սալեհին ԱՄՆ-ին նախազգուշացրել է, որ Վաշինգտոնում Սաուդյան Արաբիայի դեսպանի դեմ նախապատրաստված մահափորձի կապակցությամբ Իրանի հասցեին հնչող մեղադրանքները, կարող են սրել հարաբերությունները Իրանի և ԱՄՆ-ի միջև: Այս մասին հայտնում է BBC-ն:
Սալեհին նաև նախազգուշացրել է ԱՄՆ-ին սպասվող հետագա վատ հետևանքների մասին:
«Եթե նրանք ուզում են դիմակայել մեզ և մեր դեմ կիրառել ինչ-որ միջոցներ, ապա դա կլինի իրենց վերջը», – հայտարարել է Սալեհին, ավելացնելով, որ եթե ԱՄՆ-ը կարողանա մեզ մարտահրավեր նետել, ապա մենք ունենք պատասխան տալու այնպիսի ուժ, որից նրանք չեն կարողանա ոտքի կանգնել:
Հիշեցնենք, որ սաուդյան արքայազն Թուրքի Ալ-Ֆայսալը հայտարարել էր, որ Իրանը պետք է պատասխան տա ԱՄՆ-ում Սաուդյան Արաբիայի դեսպանի դեմ նախապատրաստված մահափորձի համար: Իսկ Իրանին պատասխանատվության ենթարկելու մասին ավելի վաղ հայտարարել էին նաև ԱՄՆ-ը և Մեծ Բրիտանիան:
Իրանն էլ իր հերթին հերքում է իր հասցեին հնչած մեղադրանքները:
