Մոտ 150 կիլոգրամանոց այծքաղը անսպասելիորեն հարձակվել է հեծանվորդի վրա և տապալել նրան: Այս միջադեպը տեղի է ունեցել հարավաֆրիկյան Փիթերմարիցբուրգում տեղի ունեցած մրցումների ժամանակ: Մասնակիցները պետք է հատեին արգելոցի մի մասը, որտեղ բնակվում են մի շարք վայրի կենդանիներ: Այս մասին գրում է The Daily Mail-ը:
Հեծնավորդներից մեկը նկարահանել է, թե ինչպես է դա տեղի ունեցել իր առջևից ընթացող հեծանվորդի հետ: 17-ամյա Էդվան վան դեր Սթեյը մեծ արագությամբ ընթանալիս է եղել արգելոցով, երբ աջից վազող այծքաղը անսպասելիորեն ցատկել է նրա վրա` հասցնելով ուժեղ հարված: 17-ամյա Սթեյին տեղափոխել են հիվանդանոց: Նրա մոտ հայտնաբերվել է ուղեղի ցնցում և սալջարդեր: Սաղավարտը փրկել է նրան ավելի լուրջ վնասվածքներից:
Վայրի բնության մասնագետները նշում են, որ այծքաղը չէր պատրաստվում հարձակվել հեծանվորդի վրա, այլ փորձում էր ցատկել նրա վրայով` դա համարելով բնական խոչընդոտ:
