ԱՄՆ-ում երկու իրանցիներ են մեղադրվում Վաշինգտոնում գտնվող Սաուդյան Արաբիայի և Իսրայելի դեսպանատները պայթեցնելու փորձի մեջ: Այս մասին հաղորդում է Reuters-ը:
«Մենք թույլ չենք տա ուրիշ երկրներին օգտագործել մեր տարածքը որպես մարտի դաշտ»,- Associated Press-ի հաղորդմամբ՝ այս մասին հայտարարել է դատախազը:
Ենթադրվում է, որ գրոհները կազմակերպվել են Մանսոր Արբաբսիրի և Հոլամ Շակուրիի կողմից: Մեղադրվողները Սաուդյան Արաբիայի դեսպանի վրա հարձակման ծրագիրը քննարկել են հեռախոսային զրույցների ժամանակ: Հուլիս-օգոստոսին Արբաբսիրը 100 հազար դոլար է վճարել սաուդյան դեսպանի սպանության համար:
Արբաբսիրն ընդունել է իր մեղքը և հայտնել, որ գրոհի կազմակերպման և ֆինանսավորման հետ կապված է նաև Իրանի կառավարությունը: ԱՄՆ-ի գլխավոր դատախազն ասել է, որ Միացյալ Նահանգներն ամեն ինչ կանի՝ ձերբակալելու բոլոր այն մարդկանց, ովքեր կապ ունեն գրոհի կազմակերպման հետ: