Եվրահանձնաժողովը, Եվրոպական կենտրոնական բանկը և Արժույթի միջազգային հիմնադրամը, այսպես կոչված՝ վարկատուների «եռյակը», Հունաստանին կհատկացնեն հերթական ֆինանսական օգնությունը՝ 8 մլրդ դոլարի չափով:
Ինչպես հաղորդում է Reuters գործակալությունը, վկայակոչելով «եռյակի» հայտարարությունը, Հունաստանն այդ գումարը կստանա արդեն նոյեմբերի սկզբին:
Ընդ որում՝ վարկատուները հայտարարել են, որ Հունաստանի տնտեսության ռեցեսիան կգերազանցի ավելի վաղ ակնկալված ցուցանիշը: «Ռեցեսիան շատ ավելի խորը կլինի… վերականգնում սպասվում է միայն 2013թ. սկզբին»,- ասվում է «եռյակի» հայտարարության մեջ:
