Քաղաքական և ընտրական տեխնոլոգիաների փորձագետ Արմեն Բադալյանը թեև դժվարացավ կանխատեսել, թե Հայաստանում ինչ զարգացումներ կլինեն խորհրդարանական ընտրություններից հետո, սակայն համոզված է, որ ՀԱԿ-ն իր շուրջօրյա հանրահավաքներով հետ պտտեց «քաղաքական ժամացույցը» և 2008 թվականի մարտի 1-ից հետո այդկերպ է գնալու ընտրությունների: Նման խորհրդանշական համեմատություն նա արեց «Առաջին լրատվականի» հետ զրույցում:
«Ինչ վերաբերում է Ազգային ժողովում քաղաքական ուժերի զբաղեցնելիք մանդատների քանակին, այս առումով հստակ ոչինչ ասել չեմ կարող: Միանշանակ է միայն, որ խորհրդարանական ընտրությունների գնում են քաղաքական երեք ուժեր` «Հանրապետական» և «Բարգավաճ Հայաստան» կուսակցություններն ու Հայ ազգային կոնգրեսը: Եթե ընտրությունները լինեն մոտակա կիրակի, ապա հենց այս ուժերը մուտք կգործեն ԱԺ»,- վստահություն հայտնեց փորձագետը:
Ամփոփելով` Արմեն Բադալյանն ընդգծեց, որ ՀՅԴ և «Ժառանգության» ազդեցությունները թուլացել են:
Հիշեցնենք, որ Հայաստանում խորհրդարանական ընտրությունները կանցկացվեն 2012 թվականի մայիսին:
