Ադրբեջանի նախագահ Իլհամ Ալիևը անդադարձել է Ադրբեջանի և Հայաստանի միջև հաստատված խաղաղությանը։
«Այս բարենպաստ միջավայրը և կայունության ու անվտանգության նկատմամբ աճող վստահությունը թույլ են տալիս մեզ առաջ շարժվել և ավելի շատ ժամանակ ու ռեսուրսներ հատկացնել զարգացման մեր օրակարգին։ Միաժամանակ մենք ձեռնարկում ենք քայլեր՝ խաղաղությունը ամրապնդելու և այն գործնականում իրականացնելու համար, և մեր երկու հասարակություններն արդեն զգում են խաղաղության իրական օգուտները՝ տնտեսական, առևտրային և այլ ոլորտներում։ Այսօր Ադրբեջանը իր տարածքով ապահովում է սեփական նավթամթերքների, ինչպես նաև երրորդ երկրներից ցորենի և այլ ապրանքների արտահանումը դեպի Հայաստան։
Երկու երկրների միջև վստահության ամրապնդման միջոցառումները վճռորոշ նշանակություն ունեն կայուն խաղաղություն հաստատելու համար։ Քաղաքացիական հասարակության ներկայացուցիչների կանոնավոր հանդիպումները, պետական մակարդակով նախաձեռնությունների հետ մեկտեղ, դրական ներդրում են ունենում այս գործընթացում։
Ադրբեջանի և Հայաստանի օրինակը ցույց է տալիս, որ, չնայած երկարատև հակամարտությանը, տառապանքներին և փոխադարձ անվստահությանը, խաղաղությունը կարող է հասանելի լինել՝ ուժեղ քաղաքական կամքի և միջազգային աջակցության առկայության դեպքում»։
