ԱՄՆ-ի և Իրանի միջև հրադադարի ռեժիմը կպահպանվի, եթե հրադադար լինի Իսրայելի և Լիբանանի միջև։ Դա այն պայմաններից մեկն է, որոնք առաջադրվել են Իսլամական Հանրապետության կողմից: Այս մասին հայտարարել է ՄԱԿ-ում Իրանի մշտական ներկայացուցիչ Ամիր Սայիդ Իրավանին։
«Պայմաններից մեկը, որոնք մենք առաջադրել ենք, այն է, որ հրադադարի ռեժիմը պետք է տարածվի ամբողջ տարածաշրջանի, ներառյալ՝ Լիբանանի վրա», – մեջբերել է նրա խոսքը SNN հեռուստաալիքը։
Իրավանին նաև հայտարարել է, որ Իրանը պատրաստ է կարգավորել Միացյալ Նահանգների հետ հակամարտությունն ինչպես դիվանագիտական, այնպես էլ ռազմական ուղիով։
«Եթե նրանք ցանկանան նստել բանակցությունների սեղանի շուրջ, մենք պատրաստ կլինենք, բայց եթե նրանք ընտրեն պատերազմի ուղին, ապա Իրանը պատրաստ է նաև դրան», – ասել է դիվանագետը:
