Իրանի, ԱՄՆ-ի և Իսրայելի միջև հակամարտությունը ստեղծում է աշխարհի պատմության մեջ ամենածանր էներգետիկ ճգնաժամը։ Ինչպես տեղեկանում է France 24-ից, այս մասին հայտարարել է Էներգետիկայի միջազգային գործակալության (ԷՄԳ) ղեկավար Ֆաթիհ Բիրոլը։
«Սա իսկապես պատմության մեջ ամենամեծ ճգնաժամն է, – ասել է նա։ – «Ճգնաժամն արդեն իսկ հսկայական է, եթե համատեղենք բենզինի ճգնաժամի և Ռուսաստանի հետ կապված գազի ճգնաժամի հետևանքները»։
Մերձավոր Արևելքում պատերազմը կաթվածահար է արել նավագնացությունը Հորմուզի նեղուցում, որով անցնում է համաշխարհային նավթի և հեղուկացված բնական գազի մեկ հինգերորդը։
Դրան գումարվել են Ռուսաստանի և Ուկրաինայի միջև պատերազմի հետևանքները, որի պատճառով դադարեցվել է ռուսական գազի մատակարարումը Եվրոպա։
Մարտին ԷՄԳ-ն համաձայնել էր ռազմավարական պաշարներից բաց թողնել ռեկորդային 400 միլիոն բարել նավթ՝ Իրանի դեմ ԱՄՆ-Իսրայել պատերազմի պատճառով նավթի գնի աճի դեմ պայքարելու համար։
