Միացյալ Նահանգներում թափ է առնում աննախադեպ մի շարժում, որը կարող է ԱՄՆ-ում լրջագույն փոփոխությունների հանգեցնել: Երեկ Չիկագոյում մի քանի հազար մարդ, այդ թվում՝ ուսուցիչներ և կրոնական քարոզիչներ, դուրս են եկել բողոքի ակցիայի` բարձրաձայնելով սոցիալական անհավասարության պատճառով առաջացած խնդիրների մասին: Այս մասին հաղորդում է «Ազատություն» ռադիոկայանը:
Ոստիկանությունը ձերբակալել է 27 ցուցարարի այն բանից հետո, երբ նրանք ձեռք ձեռքի, «Փրկե՛ք մեր դպրոցները: Փրկե՛ք մեր բնակարանները» կարգախոսներով փակել են քաղաքի կենտրոնական փողոցներից մեկը: Չիկագոյի քաղաքապետ Ռամ Մանուելն ասել է, որ «տնտեսական գործընթացները, որ ծավալվում են ԱՄՆ-ում վերջին տասնամյակի ընթացքում, միջին դասի մեջ առաջացնում են այնպիսի վրդովմունք, որը նախկինում չի եղել»:
Բողոքի այս ցույցը հաջորդում է Նյու Յորքում սկսված «Գրավե՛նք Ուոլ սթրիթը» ակցիային:
