Ադրբեջանական APA լրատվական գործակալության փոխանցմամբ՝ ԵԱՀԿ Խորհրդարանական վեհաժողովի նախկին ղեկավար Գորան Լենմարկերը հայտարարել է, որ Լեռնային Ղարաբաղի կարգավիճակի հարցը պետք է թողնել հետագայի համար.
«Եվրոպան այդպիսի փորձ ունի։ Նախ հստակեցվում է վիճելի տարածքի միջանկյալ կարգավիճակը, որից հետո՝ վերջնական կարգավիճակը։ Հակամարտությունն ունի մի քանի փուլերից բաղկացած որոշում։ Մենք միշտ էլ ասել ենք, որ մի շարք հարցեր անհնար է լուծել միաժամանակ։ Դրա համար էլ կարգավիճակի հարցը պետք է թողնել հետագայի համար։ Հակամարտության կարգավորման համար պետք է ինչպես երկու հասարակությունների, այնպես էլ քաղաքական գործիչների կամքը։
2008 թվականին Հայաստանի նախագահը հայ-թուրքական հարաբերությունների քննարկման ժամանակ պատրաստ էր խնդրի լուծմանը։ Սակայն հայկական սփյուռքը խանգարեց դրան։ Եթե այն ժամանակ հայ-թուրքական սահմանը բացվեր, ապա դա դրականորեն կանդրադառնար Լեռնային Ղարաբաղի հիմնախնդրի վրա»։