ԱՄՆ նախագահ Դոնալդ Թրամփը պաշտոնանկ է արել Ներքին անվտանգության նախարար Քրիստի Նոեմին։ Որոշումը կայացվել է մի քանի ամիս շարունակվող տարաձայնությունների ֆոնին։
Նոեմի պաշտոնավարման ընթացքում ուշադրության կենտրոնում էին մի շարք միջադեպեր։ Դրանցից ամենաաղմկահարույցներից մեկը տեղի էր ունեցել Մինեապոլիս քաղաքում, որտեղ դաշնային գործակալների գործողությունների հետևանքով սպանվել էին ԱՄՆ երկու քաղաքացիներ։ Բացի այդ, օրենսդիրները հարցեր էին բարձրացրել շուրջ 220 միլիոն դոլար արժողությամբ գովազդային պայմանագրի վերաբերյալ։
Թրամփը Truth Social հարթակում հայտարարել է, որ Նոեմի փոխարեն Ներքին անվտանգության նախարարի պաշտոնում առաջադրելու է Օկլահոմա նահանգի սենատոր Մարկուեյն Մալլինին։ Նախագահի խոսքով՝ նշանակումը նախատեսվում է իրականացնել մինչև ամսվա վերջ, սակայն այն ուժի մեջ կմտնի միայն այն բանից հետո, երբ թեկնածությունը հաստատվի ԱՄՆ Սենատի կողմից։
Թրամփի հայտարարությունից անմիջապես հետո Նոեմը գրառում է կատարել X սոցիալական ցանցում՝ նշելով. «Մենք պատմական ձեռքբերումներ ենք գրանցել Ներքին անվտանգության նախարարությունում՝ Ամերիկան կրկին անվտանգ դարձնելու համար»։
